Та сүүн болон байнгын шүдний шүдлэх хугацааг мэдсэнээр өөрийн хүүхдийн шүдийг цаг хугацаандаа ургаж байгаа эсэхийг хянах боломжтой болох юм. Хэрвээ таны хүүхдийн шүд энэ хугацаанаас эрт болон орой ургаж байвал мэргэжлийн эмчид хандаарай.

Юуны өмнө хоол хүнсний зүйлийг зөв тохируулж хэрэглэх хэрэгтэй. Аль болох шимтэй, тэжээллэг хүнсний зүйл /сүү, сүүн бүтээгдэхүүн, жимс, хүнсний ногоо/ оруулсан хоолыг хэрэглэх нь зөв. Эдгээр шүдийг бэхжүүлдэг олон эрдэс бодис, уураг, амин дэм байдаг. Гэвч жүрж, нимбэг зэрэг жимс нь хүчил ихтэй учир шүдний пааланг сийрэг болгох тул тохируулан хэрэглэх хэрэгтэй.

Идэвхтэй зажлалт шаардагдах хатуу, хатуувтар хүнс болох ааруул, ээзгий, алим зэргийг хэрэглэх нь шүдний цусан хангамжыг сайжруулж шүд бэхжихэд чухал нөлөөтөй. Гэвч энэ нь ломботой шүдэнд эсрэг заалттай байдаг. Чихэр, шоколад, гурилан бүтээгдэхүүн аль болох бага хэрэглэх хэрэгтэй. Эдгээр нь амны хөндийд хуримтлагдаж өвчин үүсгэгч нян үржих таатай орчин болдог. Шүд цоорох өвчнөөс сэргийлэх гол арга бол мэдээж шүдээ угаах билээЮуны өмнө шүдний сойз, оог зөв сонгох хэрэгтэй. Шүдний сойзны үс долоовор хурууны эхний үетэй тэнцэх, эсвэл үүдэн хоёр шүдний хэмжээтэй, зөөлөвтөр үстэй байх ёстой.

Америкийн Шүдний Эмнэлгийн Холбоо зөвлөж байна
1. Шүдээ өдөрт хоёр удаа Америкийн Шүдний Эмнэлгийн Холбооны (АШЭХ) зөвшөөрсөн шүдний оогоор угааж байгаарай. Шүдний сойзыг 3-4 сар болоод сольж байх ёстой. Үс нь муудсан сойз шүдийг сайн угаахгүй нь лавтай.
2. Шүдээ өдөр бүр флосдох нь маш чухал. Буйлны доорх болон шүдний хоорондох завсрын хоолны үлдэгдлийг шүдний сойзоор нь авах боломжгүй тул флосыг хэрэглэх нь маш чухал байдаг. Флос  гэдэг нь шүднийхээ завсар оруулж цэвэрлэдэг утас бөгөөд тэр нь тостой (wax), гаатай, флоридтай гээд олон янз байна. Флосоор шүдээ өдөрт дор хаяж нэг удаа цэвэрлэх нь зүйтэй.
3. Тогтмол хооллох дэглэмийг баримтлах ба хоолны хооронд хэрэглэдэг хуурай идэх юм, зуушийг аль болох цөөрүүлэх хэрэгтэй.
4. Шүдний эмчид зургаан сар тутамд тогтмол үзүүлж шүдээ цэвэрлүүлж хэвших хэрэгтэй.