Үүдэн шүд хооронд иэхвчлэн үүсдэг шүд хоорондын зайг дистема гэж нэрлэдэг. Зарим нэг улс оронд соёл ахуйн онцлогоос шалтгаалан диастемаг байх ёстой ердийн зүйл мэт ойлгох нь бий. Гэвч орчин үеийн соёлт нийгэмд ихэнх улс орны хүмүүс үүнийг хэвийн зүйл биш гэж үзэж аль болох арилгуулахыг хүсдэг. Шүд хооронд үүсэх энэхүү завсар нь шүдний хэмжээ жижигээс болж үүсэх нь маш цөөн бөгөөд ихэвчилэн шүдээ эрт авхуулах, хөрш шүднүүд шахах, шүдний хөгжил алдагдаж дутуу хөгжих, гажиг заслын эмчилгээ дутуу хийгдсэнээс, хэл болон уруулын хөвч богино гэргээс шалтгаалан үүсдэг.
Эмчилгээний хувьд зарим шүдний завсрыг арилгахад хялбархан байдаг бол ихэнхдээ маш хэцүү байдаг. Хэрэв өвчтөн энэхүү шүдний завсартаа үнэхээр эмзэглэдэг бөгөөд арилгуулах чин хүсэлтэй бол бүх шүдний эгнээг хамруулан уг завсрыг арилгах эмчилгээг хийж болно.
Дараах эмчилгээний хувилбаруудаас аль нэгийг нь сонгож эмчилнэ.
- Шүдний гажиг заслын эмчилгээ
- Шүд пааландах
- Шүдэнд нүүрэвч винир хийх
- Шүдийг гадуур нь бүрээсээр бүрэх
