Монгол улсын засгийн газраас 2024-2027 онуудад “Эрүүл шүд” үндэсний хөтөлбөр хэрэгжүүлэхээр тогтоол баталсан. Уг тогтоолын дагуу ЭМЯ-ы ажлын хэсэг 2024-2027 онд хэрэгжих “Эрүүл шүд” үндэсний хөтөлбөрийн төлөвлөгөөг салбарын мэргэжилтнүүдийн саналыг тусган боловсруулан хоёр яамны сайдын хамтарсан тушаалаар батлууллаа.
Энэхүү төлөвлөгөөний үндсэн зорилго нь Амны хөндийн эрүүл мэндийн эрсдэлт хүчин зүйлсийг бууруулан, урьдчилан сэргийлэлт, эрүүл мэндийн тусламж үйлчилгээг сайжруулах амны хөндийн эмгэгийг бууруулахад оршино.
Хөтөлбөрийн хүрээд дараах зорилтуудыг дэвшүүлэн тавьсан байна.
Үүнд:
- Амны хөндийн эрүүл мэндийн бодлого, эрхзүйн орчныг сайжруулах
- Амны хөндийн эрүүл мэндийг дэмжих, эмгэгээс урьдчилан сэргийлэх
- Нүүр ам судлалын салбарын хүний нөөцийг дэмжих, чадавхийг бэхжүүлэх
- Анхан шатны тусламж үйлчилгээнд нүүр амны тусламж үйлчилгээг нэвтрүүлэх
- Нүүр амны тусламж үйлчилгээг чанартай тэгш хүртээмжтэй хүргэх
- Амны хөндийн эмгэгийн бүртгэл, тандалтын тогтолцоог бэхжүүлэх
“Эрүүл шүд” арга хэмжээний 2024 оны төлөвлөгөөг хэлэлцэн боловсруулах хурал 2024 оны 01 сарын 30 (Мягмар) өдөр 09:00 цагаас ЭМЯ-ы Б заланд болох тул энэхүү төлөвлөгөөнд санал бодлоо оруулах хүсэлтэй нүүр амны эмч мэргэжилтнүүдийг урьж байна.
ЭМЯ, Нүүр Ам Судлалын Мэргэжлийн салбар зөвлөл
